Hekuran Billa u lirua nga burgu në 22 Shkurt 2019 nga Gjykata e Krujës. Vendimi mban firmën e gjyqtares Enkelejda Hoxha, e denoncuar nga Ministria e Drejtësisë, për ulje të dënimeve apo lirimin e personave që janë në burg për vepra të rënda penale.<br /><br />40-vjeçari vuante dënimin në burgun e Fushë-Krujës dënimin për vrasjen e 20-vjeçarit, Prel Marku dhe plagosjen e tre shqiptarëve të tjerë, në vitin 2006, në klubin shoqëror Park Rojëll, në Londër.<br /><br />Motivi i krimit, ishte ndarja e territorit të makinetave të parkimit, grabitja e të cilëve i siguronte bandës së tij 1.2 milionë Stërlina, siç thuhet në mediat angleze. <br /><br />Pas vrasjes u arratis nga Anglia për në Danimarkë, ku u arrestua dhe u ekstradua për të vuajtur dënimin me burg përjetë të konvertuar në 34 vjet.<br /><br />Në atë kohë ai ishte 26 vjeç dhe krimin e kreu bashkë me Kujtim Spahiun, i cili vuan akoma dënimin me 33 vjet burg në Angli.<br /><br />Pas 10 vjetësh në qeli atje, ai u ekstradua në Shqipëri ku ankimoi dënimin me burg përjetë.<br /><br />Ishte Gjykata e Apelit në Tiranë që ia uli masën në 25 vjet heqje lirie, më 20 Korrik të vitit 2016.<br /><br />Tre vjet më vonë, me argumentin se ka kryer 3 /4 e dënimit, ose 19.5 vjet, ai kërkoi lirimin me kusht në Gjykatën e Krujës.<br /><br />Më 22 Shkurt të vitit 2019, gjyqtarja Enkelejda Hoxha firmosi për ta liruar atë nga qelia, me argumentin se kishte pasur sjellje të mirë.<br /><br />Për të arritur deri këtu, në vendim thuhet se gjyqtarja u ndikua nga një raport pozitiv i burgut të Krujës dhe në një tjetër raport i shërbimit të provës.<br /><br />Një tjetër arsye ishte gjendja e rëndë ekonomike pasi të ardhurat e vetme ishin pensioni i prindërve të tij, i cili nuk mjaftonte as për ilaçet e tyre si dhe gjendja e rëndë shëndetësore e prindërve. Për prindërit ai kishte paraqitur edhe një raport mjekësor.<br /><br />Inspektoriati i Lartë i Drejtësisë ka nisur verifikimet për të gjitha procedurat dhe për vendimin e gjyqtares Hoxha, për të cilën Ministria e Drejtësisë ka kërkuar shkarkimin, pasi ka liruar personazhe të njohur si Indrit Doklen e bandës së Durrësit, apo Genc Tafilin, i dënuar për vrasjen e një punonjësi policie.<br /><br />Tv Klan<br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
